×
Clear Filters
Filter

Active Gym Iron Kettlebells 4kg to 40kg

920.00 ден12,600.00 ден

ACTIVE GYM IRON KETTLEBELLS 4kg-40kg

BLACK FRIDAY ПОПУСТ – се однесува за тежини 18kg, 24kg, 28kg и 32kg

Кетлбел е совршен реквизит за градење мускули и за согорување калории, бидејќи ги активира и оние мускулни групи што не се придвижуваат при кревање на обични тегови. Кетлбел се користи за изведување на балистички движења кои се комбинираат како кардиоваскуларни вежби, вежби за сила и флексибилност. Постојат различни тежини на кетлбели, од 4 па се до 40 килограми.

Само со замавнување ACTIVE GYM IRON KETTLEBELLS го активира целото тело, а најмногу се зајакнуваат мускулите на грбот, нозете и на стомакот. Тренингот е исклучително динамичен, трае кратко – најмногу 30 минути, и спаѓа во групата на ΗΙΙΤ (Ηigh Intensity Interval Training). Го забрзува метаболизмот и поттикнува загуба на поткожните масти. При вежбање со кетлбел, можете да согорите 1.500 калории за еден час.

Кетлбел е традиционален руски тег, користен редовно низ годините од страна на специјалните единици. Доаѓаат во различни тежини, наменети за активни спортисти и рекреативци. Тренингот со кетлбел развива издржливост, сила и динамичка флексибилност.

Кетлбел вежбите во нивната природа се холистички , па затоа тие вклучуваат активирање неколку мускулни групи истовремено и може да се повторат движењата, постојано, за неколку минути или со кратки паузи. Контролираните движења со кетлбел, ако се направат правилно, можат да бидат многу корисни за санирање на болки во рамењата и грбот. Тие нудат подобрена мобилност, опсег на движење и зголемување на силата.

ТРИ НАЈЕФИКАСНИ ВЕЖБИ

Kettlebell swing (замавнување): стапалата треба да бидат во ширина на рамениците, колковите се движат наназад и надолу (swing не е чучнување!), се задржува неутралната позиција на карлицата, а со кетлбелот се забрзуваат отворањето на колковите и заклучувањето на колениците. Движењето се завршува со испружени раце над главата.

Overhead lunges (исечкор со тегот над главата): раката се исправа над главата, задолжително се заклучува лакотот и се оди во позиција на исчекор, каде што колениците не ги поминуваат врвовите на прстите, стомакот е цврст и долниот дел од грбот е исправен.

Чучнување: кетлбелот го држиме со двете раце во ниво на градите и стомакот и се спуштаме во позиција на чучнување, до 90 степени. Задникот е исфрлен наназад, а колениците во страна. Вдишувате кога сте долу, а издишувате кога тргнувате нагоре.

КАКО ДА СЕ ОДРЕДИ ТЕЖИНАТА НА РЕКВИЗИТОТ?

Една петтина од телесната тежина ќе ви ја одреди почетната килажа на тегот. Жена од 50 кг повеќето вежби треба да ги прави со тег од 10 кг, а потешките со полесна килажа, поради безбедносни причини. За почетниците, тежината не е толку важна колку што е правилното изведување на движењата. Значи, прва е техниката, па интензитетот, а на крајот е тежината.

КАКО ДА СЕ ИЗБЕГНАТ ПОВРЕДИ?

Неопходно е загревање пред секој тренинг. За да не дојде до повреди, освен што движењето треба да се изведува правилно, паузите меѓу сериите мора да бидат соодветни. По тренингот, задолжително е истегнување. Се советува да тренирате под надзор на тренер.

Clear